ශ්‍රී ලංකා ක්‍රිකට් කණ්ඩායමේ පුහුණුවීම් ක්‍රියාවලියේ සැලැස්ම වෙනස් කළ බව ප්‍රධාන පුහුණුකරු සනත් ජයසූරිය පවසනවා.
ඒ අනුව කණ්ඩායමේ සියලු ක්‍රීඩකයින්ට පිතිකරණ පුහුණුවීම් කාලයද වැඩි කර ඇති බවයි ඔහු කියා සිටියේ.
මේ, ඒ සම්බන්ධයෙන් වැඩිදුරටත් අදහස් දැක්වූ ශ්‍රී ලංකා ක්‍රිකට් කණ්ඩායමේ ප්‍රධාන පුහුණුකරු සනත් ජයසූරිය.
මේ අතර, සංචාරක ඉන්දීය කණ්ඩායම සහ ශ්‍රී ලංකා කණ්ඩායම අතර තරඟ තුනකින් සමන්විත එක් දින ක්‍රිකට් තරඟාවලිය අද ආරම්භ වනවා.
මෙම තරඟ තුනම කොළඹ ආර් ප්‍රේමදාස ක්‍රීඩාංගනයේදී පැවැත්වෙන අතර අද තරඟය පස්වරු 02යි 30ට ආරම්භ වීමට නියමිතයි.
ශ්‍රී ලංකා කණ්ඩායම මෙම තරඟාවලියට පිවිසෙන්නේ දෙරට අතර පැවති විස්සයි විස්ස තරඟාවලිය තුනට බින්දුවක් ලෙස පරාජය වී ඇති පසුබිමක් තුළයි.
ශ්‍රී ලංකා කණ්ඩායම එම තරඟාවලියේදී ලැබූ පරාජයන් හේතුවෙන් බොහෝ පාර්ශවවල විවේචනයටද ලක්ව තිබෙනවා.
