ෆෙඩරල් ආදායම් මණ්ඩලය විසින් හඳුන්වා දුන් Tajir Dost යෝජනා ක්‍රමයට එරෙහිව පාකිස්තානයේ වෙළඳ ප්‍රජාව අගෝස්තු 28 වනදා රටපුරා වැඩවර්ජනයක් ප්‍රකාශයට පත් කර ඇති බව ARY පුවත් වාර්තා කරයි.
අනෙකුත් වෙළඳ සංගම් සමඟ ඒකාබද්ධ ප්‍රවෘත්ති සාකච්ඡාවකදී, සමස්ත පකිස්තාන අන්ජුමන්-ඊ-ටජිරාන් සංගමය පැවසුවේ ටජිර් දෝස්ට් යෝජනා ක්‍රමය පිළිගත නොහැකි බැවින් එය නතර කරන ලෙස රජයෙන් ඉල්ලා සිටින බවයි.
අපනයන ක්ෂේත්‍රයට ඉහළ තීරු බදු පැනවීමේ තීරණය ආපසු හරවන ලෙසත් එම යෝජනා ක්‍රමය වහා ඉවත් කරන ලෙසත් වෙළෙඳුන් ඉල්ලා සිටිනවා.
මීට මාස කිහිපයකට පෙර, ෆෙඩරල් ආදායම් මණ්ඩලය (FBR) ජාත්‍යන්තර මූල්‍ය අරමුදලට (IMF) අවශ්‍ය පරිදි වෙළඳුන් සහ තොග වෙළෙන්දන් විධිමත් බදු ව්‍යුහය තුළට ගෙන ඒම සඳහා ‘Tajir Dost Scheme’ හඳුන්වා දෙන ලදී.
“අපි මෙම යෝජනා ක්‍රමය ප්‍රතික්ෂේප කරනවා,” එය ඉල්ලා අස්කර ගන්නා ලෙස රජයට බලකරමින් ඔවුහු ප්‍රකාශ කළා.
ආහාරයට ගතහැකි ද්‍රව්‍ය සඳහා පනවා තිබූ රඳවා ගැනීමේ බද්ද ද ඉවත් කළ යුතු බව ඔවුන් පැවසුවා.
මෙම මාධ්‍ය හමුවට සහභාගී වූවන් රජයෙන් ඉල්ලා සිටියේ විදුලි බිල අඩු කරන ලෙසයි.
වැටුප් ලබන පුද්ගලයින් සහ ව්‍යාපාරිකයින් සඳහා පසුගිය දා ඉහළ දැමූ ආදායම් බදු ඉවත් කරන ලෙස ද ඔවුහු ඉල්ලා සිටියා
එපමණක් නොව, ස්වාධීන බලශක්ති නිෂ්පාදකයින් (IPPs) සමඟ ඇති ගිවිසුම් නැවත සලකා බලන ලෙස ඔවුන් රජයෙන් ඉල්ලා සිටියේ රටේ ජනතාවට දැන් ඔවුන්ගේ හැකියාවන්ට වඩා වැඩි බිල්පත් ගෙවීමට සිදුව ඇති බව පවසමින්.
