විදේශ ගතව සිටින සංවිධානාත්මක අපරාධකරුවෙකු හා මත්ද්‍රව්‍ය ජාවාරම්කරුවෙකු වන බඩෝවිට අසංකගේ ගෝලයකු හෙරොයින් මත්ද්‍රව්‍ය සමඟ අත්අඩංගුවට ගෙන තිබෙනවා.
ඒ, මොරටුව පොලිස් විශේෂ කාර්ය බලකා කඳවුරේ නිලධාරින්ට ලද තොරතුරක් මත ගල්කිස්ස, බඩෝවිට ප්‍රදේශයේදී සිදුකල වැටලීමකදීයි.
අත්අඩංගුවට ගත් සැකකරු සන්තකව තිබී හෙරොයින් ග්‍රෑම් 5 යි මිලිග්‍රෑම් 200 ක් සොයාගෙන තිබෙනවා.
සැකකරු වයස අවුරුදු 65 ක් වන ගල්කිස්ස ප්‍රදේශයේ පදිංචිකරුවෙක්.
පොලිසිය පැවසුවේ අදාළ සැකකරු බඩෝවිට අසංක නැමැත්තාගේ මෙරට මත්ද්‍රව්‍ය ජාවාරම මෙහෙයවන ගෝලයකු බවට අනාවරණ වී ඇති බවයි.
වැඩිදුර විමර්ශන සඳහා සැකකරු ගල්කිස්ස පොලිස් ස්ථානය වෙත භාරදී තිබෙනවා.
