සංචාරක නවසීලන්ත කණ්ඩායම සහ ශ්‍රී ලංකා කණ්ඩායම අතර තරග තුනකින් සමන්විත දෙවන එක්දින තරගය අද පස්වරු 02.30ට පල්ලේකැලේ ජාත්‍යන්තර ක්‍රිකට් ක්‍රීඩාංගනයේදී ආරම්භ වීමට නියමිතයි.
දෙරට අතර පැවති පළමු එක්දින තරගයෙන් ශ්‍රී ලංකා කණ්ඩායම ඩක්වර්ත් සහ ලුවිස් න්‍යායට අනුව ලකුණු 45ක ජයක් හිමිකර ගත්තා.
ඒ අනුව ශ්‍රී ලංකා කණ්ඩායම 1ට බින්දුවක් ලෙස තරගාවලියේ පෙරමුණේ පසු වනවා.
එම තරගයේ පළමුවෙන් පන්දුවට පහරදුන් ශ්‍රී ලංකා කණ්ඩායම පන්දුවාර 49 යි පන්දු 2 ක් තුළදී කඩුළු 5 ක් පමණක් දැවී ලකුණු 324 ක් ලබා ගත්තා.
ඒ අනුව නවසීලන්ත කණ්ඩායමට ඩක්වර්ත් සහ ලුවිස් න්‍යායට අනුව පන්දුවාර 27 ක් තුළදී හිමිවූ ජයග්‍රාහී ඉලක්කය ලකුණු 221 ක්. කෙසේවෙතත් නවසීලන්ත කණ්ඩායමට පන්දුවාර 27 අවසානයේදී කඩුලු 9 ක් පමණක් දැවී ලබා ගැනීමට හැකි වුණේ ලකුණ් 175 ක් පමණයි.
ඒ අනුව ශ්‍රී ලංකා කණ්ඩායම නවසීලන්ත කණ්ඩායම පරදවා ලකුණු 45 ක පහසු ජයක් හිමිකර ගත්තා.
