සංචාරක ශ්‍රී ලංකා කණ්ඩායම සමග පැවැත්වෙන පන්දුවාර විස්ස දෙවන ක්‍රිකට් තරගයේ පළමුවෙන් පන්දුවට පහරදුන් නවසීලන්ත කණ්ඩායම නියමිත පන්දුවාර විස්ස අවසානයේ කඩුලු 05 ක් දැවී ලකුණු 186 ක් රැස් කළා.
මාර්ක් චැප්මන් පන්දු 29 කදී රැස්කල ලකුණු සංඛ්‍යාව 42 ක්.
ටිම් රොබින්සන් හා මිචෙල් හේ ලකුණු 41 බැගින් රැස් කළා.
පන්දු යැවීමේදී වනිඳු හසරංග කඩුලු 02 ක් දවා ගත්තා.
නුවන් තුෂාර සහ මතීෂ පතිරණ අතර එක් කඩුල්ල බැගින් බෙදී ගියා.
ජයග්‍රාහී ලකුණු 187 ක ඉලක්කයක් හඹා යන ශ්‍රී ලංකා කණ්ඩායම මීට නොබෝ වේලාවකට පෙර පන්දුවාර 03 ක් අවසානයේ කිසිවෙකු නොදැවී ලකුණු 28 ක් රැස්කරගෙන සිටියා.
