ලෝක ටෙස්ට් ක්‍රිකට් ශූරතාවලියේ තීරණාත්මකම තරඟාවලියක් මේ මස 29 වනදා ශ්‍රී ලංකාවේදී ආරම්භ වීමට නියමිතයි.
ඒ, ශ්‍රී ලංකා - ඕස්ටේ්‍රලියා ටෙස්ට් ක්‍රිකට් තරඟාවලියයි.
ඔස්ටේ්‍රලියා ක්‍රිකට් කණ්ඩායමේ ශ්‍රී ලංකා තරඟ සංචාරයට අදාළ තරඟ කාලසටහන අද ප්‍රකාශයට පත් කළා. ඒ අනුව දෙරට අතර තරඟාවලියට ටෙස්ට් තරග 02ක් සහ එක්දින තරඟයක් ඇතුළත්.
පළමු ටෙස්ට් තරඟය ආරම්භ වන්නේ ජනවාරි 29 වනදායි.
දෙවැනි ටෙස්ට් තරඟය පෙබරවාරි 06 වනදා ආරම්භ වීමට නියමිතයි.
තරඟ දෙකම ගාල්ලේදී පැවැත්වීමටයි සැලසුම් කර ඇත්තේ.
දෙරට අතර පැවැත්වෙන එක්දින ජාත්‍යන්තර තරඟය පෙබරවාරි 13 වනදා පැවැත්වෙන්නේ දිවා-රාත්‍රී තරඟයක් ලෙසයි.
මෙම තරඟ දෙක ජයගතහොත් ශ්‍රී ලංකාවට ලෝක ටෙස්ට් ක්‍රිකට් ශූරතාවලියේ අවසන් මහා තරඟයට සුදුසුකම් ලබා ගැනීම කෙරෙහි බලාපොරොත්තු තබාගත හැකි වනවා.
එසේ වීමට නම් ඉන්දු - ඕස්ටේ්‍රලියා අවසන් මහා තරඟාවලිය ජය පරාජයෙන් තොරව අවසන් විය යුතුය.
