2024 වසරේ 20යි 20 පිරිමි කණ්ඩායමට ශ්‍රී ලංකා කණ්ඩායමේ දඟපන්දු යවන ක්‍රීඩක වනිඳු හසරංග ද ඇතුළත් කර තිබෙනවා.
විස්සයි විස්ස පිරිමි කණ්ඩායම ජාත්‍යන්තර ක්‍රිකට් කවුන්සිලය විසින් ප්‍රකාශයට පත් කළා.
රෝහිත් ෂර්මාට එම කණ්ඩායමේ නායකත්වය හිමිව තිබෙනවා.
වනිඳුට එම කණ්ඩායමේ හිමිව ඇත්තේ 09වන ස්ථානයයි. එම කණ්ඩායමට තවත් ඉන්දීය ක්‍රීඩකයින් තිදෙනෙකු නම් කර තිබෙනවා.
කෙසේවෙතත් කිසිදු බංග්ලාදේශ ක්‍රීඩකයෙකු හෝ දකුණු අප්‍රිකානු ක්‍රීඩකයෙකු 2024 වසරේ 20යි 20 පිරිමි කණ්ඩායමට නම් කර නැහැ.
මේ අතර බටහිර ඉන්දීය කොදෙව් කණ්ඩායමට එරෙහිව පැවැත්වෙන දෙවන ටෙස්ට් ක්‍රිකට් තරගයේදී කඩුලු ත්‍රිත්වයක් දවා ගැනීමට පකිස්තාන දඟපන්දු යවන ක්‍රීඩක නොමාන් අලි අද සමත් වුණා.
ඒ අනුව ටෙස්ට් තරගයකදී පාකිස්තානය වෙනුවෙන් කඩුලු ත්‍රිත්වයක් දවාගත් පළමු දඟපන්දු යවන්නා ලෙසට නොමාන් අලි අද ඉතිහාස ගත වුණා.
කොදෙව් ඉනිමේ 12වන පන්දුවාරය යොමුකළ නොමාන් අලි ජස්ටින් ග්‍රීව්ස්, ටෙවින් ඉම්ලාච් හා කෙවින් සින්ක්ලෙයාර් එලෙස දවාගනු ලැබුවා.
ඒ අනුව, ඔහු පාකිස්තානය වෙනුවෙන් කඩුලු ත්‍රිත්වයක් දවාගත් 06වන ටෙස්ට් පන්දු යවන්නා වනවා.
