එමිරේට්ස් ගුවන් සේවයට අයත් යානයක් ඩුබායි ගුවන් තොටුපොළේදී අනතුරකට ලක්ව තිබෙනවා.
ඇතැම් වාර්තාවල දැක්වෙන්නේ යානය ගොඩබස්වනවාත් සමග යානයේ ගිනිගැනීමක් සිදුවූ බවයි.
එහෙත් ගුවනේදීම යානය ගිනි ගැනීමක් සිදුව ඇතැයි ඇතැම් විදෙස් වාර්තාවල දැක්වෙනවා.
මෙම යානය ඉන්දියාවේ සිට ඩුබායි බලා පියාසර කළ එකක්. මගීන් සහ කාර්යමණ්ඩලයේ 275 දෙනෙකු එහි රැඳී සිට තිබෙනවා. ඩුබායි වේලාවෙන් අද (03) පස්වරු 1.00 ට පමණ අනතුර සිදු වූ බවයි විදෙස් වාර්තා වැඩි දුරටත් සඳහන් කරන්නේ.
මෙහිදී යානයේ මගීන් කිසිවෙකුටත් අනතුරක් සිදු වී නොමැති අතර ගුවන් යානයේ අදිසි පිටවීම් දොරටු බාවිතා කරමින් ඒ සියලු දෙනා යානයෙන් ඉවත් කර ගැනීමට ගුවන් තොටුපළ බලධාරීන් කටයුතු කර තිබුණා.
WATCH: Visuals of #Emirates Dubai to Trivandrum aircraft which caught fire at Dubai airport, all passengers safehttps://t.co/6iYsz00aiE
— ANI (@ANI_news) August 3, 2016
