යාපනය වෙන්පුරවිනගර් ප්‍රදේශයට ඔබ්බෙන් වු මුහුදු කලාපයේ සිදු කල විශේෂ සෝදිසි මෙහෙයුමක් මඟින්,නීති විරෝධී ලෙස අල්ලන ලද මුහුදු කූඩැල්ලන් තොගයක් සමඟ සැකකරුවන් තිදෙනෙකු සහ ට්‍රෝලර් යාත්‍රාවක් නාවික හමුදාව විසින් අත්අඩංගුවට ගෙන තිබෙනවා
ඊයේ දිනයේ යාපනය, වෙන්පුරවිනගර් ප්‍රදේශයට ඔබ්බෙන් වු මුහුදු කලාපයේ සිදු කළ සෝදිසි මෙහෙයුමේදී නීති විරෝධී ලෙස අල්ලන ලද මුහුදු කූඩැල්ලන් දෙසීය අනු එකක් සොයා ගත් බවයි නාවික හමුදාව සඳහන් කර සිටියේ.
මෙම මෙ‍හෙයුම මඟින් අත්අඩංගුවට ගත් සැකකරුවන් වයස අවුරුදු 24ත් 40ත් අතර පසුවන යාපනය, අල්ලයිපිඩ්ඩි ප්‍රදේශයේ පදිංචිකරුවන් වනවා.
එම සැකකරුවන් තිදෙනා සොයාගත් මුහුදු කූඩැල්ලන් තොගය සහ ට්‍රෝලර් යාත්‍රාව ඉදිරි නීතිමය කටයුතු සඳහා කයිට්ස්, වේලානායි ධීවර පරික්‍ෂක කාර්යාලය වෙත භාර දී තිබුනා.
