කම්කරු හා විදේශ රැකියා අමාත්‍යාංශය විසින් සංවිධානය කරනු ලබන මීළඟ "ජයගමු ශ්‍රී ලංකා මහජන ජංගම සේවය" වැඩසටහන ජුනි මස 14 සහ 15 යන දෙදින තුළ හලාවත "ෂර්ලි කොරයා" ක්‍රීඩාංගණයේදී පැවැත්වීමට නියමිතව තිබෙනවා.
මෙම ප්‍රයත්නයත් සමඟ ඩිජිටල් යුගයට සූදානම් වූ බුද්ධිමත් ශ්‍රී ලාංකික ශ්‍රමික පරපුරක් බිහි කිරීමට බලාපොරොත්තු වන බවයි
ආරම්භයේ සිට ම, මනූෂ නානායක්කාර අමාත්‍යවරයාගේ "ජයගමු ශ්‍රී ලංකා" වැඩසටහන රටපුරා දිස්ත්‍රික්ක කිහිපයක් වෙත ඵලදායි අයුරින් ව්‍යාප්ත වී ඇති අතර, එය දිනෙන් දින වැඩිවන රැකියා අපේක්‍ෂකයින් සහ රැකියා නියුක්තිකයන් සංඛ්‍යාවකට උපකාර කරනු ලබනවා.
ශ්‍රී ලංකා විදේශ සේවා නියුක්ති කාර්යාංශයේ සහ ශ්‍රම වාසනා අරමුදල, ගරුසරු, ස්මාර්ට් යෞවන සමාජය සහ සංක්‍රමණික සේවක හරසර වැනි අනුබද්ධ කණ්ඩායම්වල මඟපෙන්වීම යටතේ මහජන සුබසාධනය සඳහා ප්‍රදානයන් සිදු කෙරෙනවා
තවද වෘත්තීය අපේක්ෂාවන් පිළිබඳ දැනුම වර්ධනය කිරීමත් සමඟම "ජයගමු ශ්‍රී ලංකා" අඩු ආදායම්ලාභී සහ සංක්‍රමණික කම්කරු පවුල් අතර ව්‍යවසායකත්ව ප්‍රයත්නයන් සඳහා ද සහාය දෙනු ලබනවා.
මෙම වැඩසටහන මගින් සියලුම කම්කරු අමාත්‍යාංශ සහ විදේශ රැකියා ආයතන සමඟ මහජන සහභාගීත්වය සඳහා පහසුකම් සැලසෙන අතර, කොළඹ කාර්යාලයට යාමට අවශ්‍ය වන රාජකාරි දේශීය වශයෙන් සම්පූර්ණ කිරීමට හැකි වෙනවා.
