ඉන්දීය අග්‍රාමාත්‍ය නරේන්ද්‍ර මෝදි ජූලි 8 වනදා පස්වරුවේ රුසියාව වෙත පැමිණෙන බව ඉන්දීය විදේශ ලේකම් විනේ ක්වාත්‍රා නිවේදනය කළා.
එහිදී අග්‍රාමාත්‍යවරයා රුසියානු ජනාධිපති ව්ලැඩිමීර් පුටින් විසින් පවත්වනු ලබන පෞද්ගලික රාත්‍රී භෝජන සංග්‍රහයකට එක්වන බවයි ඔහු පැවසුවේ.
අග්‍රාමාත්‍ය මෝදිගේ රුසියාවේ සහ ඔස්ට්‍රියාවේ සංචාරය පිළිබඳ විශේෂ දැනුවත් කිරීමේ මාධ්‍ය හමුවක් අමතමින් ක්වාට්‍රා පැවසුවේ 22 වැනි ඉන්දියා-රුසියා වාර්ෂික සමුළුව සඳහා රුසියානු ජනාධිපතිවරයාගේ ආරාධනය පරිදි අග්‍රාමාත්‍ය මෝදි ජූලි 8-9 දිනවල මොස්කව්හි නිල සංචාරයක නිරත වන බවයි.
අග්‍රාමාත්‍ය මෝදිගේ සංචාරය ගැන කතා කරමින්, කව්ත්‍රා ද ප්‍රකාශ කළේ ඔහු පැමිණීමෙන් පසු දින රුසියාවේ සිටින ඉන්දියානු ප්‍රජාව සමඟ සම්බන්ධ වන බවත්, ඔහු ක්‍රෙම්ලිනයට ද පැමිණෙන බවයි.
එමෙන්ම මෙම සංචාරයේදී ඉන්දු - රුසියානු නායකයින් දෙපළ ගෝලීය හා කලාපීය ගැටළු කිහිපයක් සම්බන්ධයෙන් ද සාකච්ඡා කිරිමට නියමිත බවයි වාර්තා වන්නේ.
