Thursday, April 3, 2025

General line - 0115112241

දුම්රිය වර්ජනය තවදුරටත් - වර්ජකයන් සේවයෙන් ඉවත් කිරීමේ ලිපි නිකුත් කෙරේ



දුම්රිය ස්ථානාධිපතිවරුන් ආරම්භ කළ වැඩ වර්ජනය තවදුරටත් ක්‍රියාත්මක වනවා. ඒ හේතුවෙන් අද පස්වරුවේද දුම්රිය මගීන්ට දැඩි දුෂ්කරතාවන්ට මුහුණ පෑමට සිදු වුණා.

වර්ජනය ක්‍රියාත්මක වුවද අද උදෑසන කාලයේ දුම්රිය ගමන් වාර 33ක් ධාවනය කළ බවයි දුම්රිය දෙපාර්තමේන්තුව පැවසුවේ.

සවස් කාලයේ ද දුම්රිය ගමන් වාර 33ක් ධාවන කරවීමට සැලසුම් කර ඇති අතර ඉන් දුම්රිය ගමන් වාර 23ක් මේ වන විට ධාවනය කරවා ඇති බව දුම්රිය දෙපාර්තමේන්තුව වැඩිදුරටත් සඳහන් කළා. 

මේ අතර වර්ජනයේ නිරත වූ සියලුම දුම්රිය ස්ථානාධිපතිවරුන් සේවය හැර ගියා සේ සලකා ඔවුන් සේවයෙන් ඉවත් කිරීමේ ලිපි අද දිනයේ නිකුත් කළ බවයි ප්‍රවාහන අමාත්‍ය බන්දුල ගුණවර්ධන පැවසුවේ.

මේ අතර වෘත්තීය සමිති මර්දනය කිරීමට එරෙහිව ගත යුතු ඉදිරි ක්‍රියාමාර්ග අද පැවැත්වෙන සාකච්ඡාවකින් අනතුරුන තීරණය කරන බව දුම්රිය ස්ථානාධිපතිවරුන්ගේ සංගමය පැවසුවා. 

ඒ සම්බන්ධයෙන් අදහස් දැක්වූ දුම්රිය ස්ථානාධිපතිවරුන්ගේ සංගමයේ ප්‍රධාන ලේකම් ආර් එම් එස් පී ජයසුන්දර.