යාපනය දිස්ත්‍රීක් සම්බන්ධීකරණ කමිටු රැස්වීම අද යාපනය දිස්ත්‍රික් ලේකම් කාර්යාලයේදී අග්‍රාමාත්‍ය දිනේෂ් ගුණවර්ධන මහතාගේ ප්‍රධානත්වයෙන් පැවැත්වුණා.
බිත්තර රැක්කවීමේ යන්ත්‍ර බෙදාදීම සහ අඩු ආදායම් ලාභීන් වෙනුවෙන් සහල් බෙදාදීම අග්‍රාමාත්‍යවරයාගේ ප්‍රධානත්වයෙන් එහිදී සිදු කෙරුණු බවයි අග්‍රාමාත්‍ය කාර්යාලය පැවසුවේ.
යාපනය අර්ධද්වීපයේ ජනතාවගේ ජීවන තත්ත්වය නඟා සිටුවීමට රජය කැප වී සිටින බවයි අග්‍රාමාත්‍යවරයා එහිදී කියා සිටියේ.
අමාත්‍ය ඩග්ලස් දේවානන්දා, උතුරු පළාත් ආණ්ඩුකාර පී.එස්.එම්. චාල්ස්, පාර්ලිමේන්තු මන්ත්‍රීවරුන් වන එම්. ඒ. සුමන්තිරන්, අංගජන් රාමනාදන්, සී. විග්නේෂ්වරන්, ධර්මලිංගම් සිද්ධාර්ථන්, යදාමිණී ගුණවර්ධන, ඇතුළු පිරිසක්ද එම අවස්ථාවට එක්ව සිටියා.
