සෞඛ්‍ය ප්‍රතිපත්ති සඳහා වන ආයතනය (IHP) විසින් සිදු කළ ශ්‍රී ලංකාවේ මත විමසුම් සමීක්ෂණයේ පාරිභෝගික විශ්වාසය පිළිබඳ දර්ශකවල 2024 ජූනි මාසයේ යාවත්කාලීන කිරීම අද නිකුත් කර තිබෙනවා.
පාරිභෝගික හැඟීම් පිළිබඳ දර්ශකය (ICS), පාරිභෝගික අපේක්ෂාවන් පිළිබඳ දර්ශකය (ICE), සහ වත්මන් තත්ත්ව දර්ශකය (ICC) යන දර්ශකවල යාවත්කාලීන කිරීමෙනුයි මෙම වාර්තාව (IHP) ආයතනය නිකුත් කර ඇත්තේ.
නිකුත් කරන ලද මෙම පාරිභෝගික දර්ශක තුනම 2024 ජුනි මාසයේදී ඉහළම මට්ටමට ළඟා වී ඇති බවත් දර්ශක තුනම අශුභාවාදී මට්ටම් වල පවතින බවයි එම සමීක්ෂණ ආයතනය පෙන්වා දෙන්නේ.
ඒ අනුව පාරිභෝගික හැඟීම් පිළිබඳ දර්ශකය (ICS),ලකුණු 7කින් වැඩි වී ඇති අතර එහි නව අගය 36ක් වෙනවා.
පාරිභෝගික අපේක්ෂාවන් පිළිබඳ දර්ශකය (ICE), ලකුණු 7කින් වැඩි වී ලකුණු 40 දක්වා ලඟා වී ඇති අතර වත්මන් තත්ත්ව දර්ශකය (ICC) ලකුණු 6කින් ඉහල ගොස් ලකුණු 30 දක්වා ලගා වී තිබෙනවා.
මෙය 2021 අග භාගවේ සිට වාර්තා වූ ඉහ ම දර්ශක අගය වන බවයි එම ආයතනය පෙන්වා දෙන්නේ.
ජුනි මාසයේදී වත්මන් මිලදී ගැනීමේ තත්ත්වය නිරූපණය කරන මිනුම් ලකුණ උපරිමයට ලඟා වී ඇති අතර එමගින් මිලදී ගැනීම් සඳහා වැඩි ඉල්ලුමක් ඇති බව පෙන්නුම් කරනු ලබනවා
2024 ජුනි මාසයේදී පවත්වන ලද සම්මුඛ පරීක්ෂණ 447ක් ඇතුළුව 2021 වර්ෂයේ ඔක්තෝම්බර් 21දින සිට 2024වර්ෂයේ ජුලි 7දක්වා පවත්වන ලද සමීක්ෂණ 17,179ක් මත දර්ශක සඳහා පදනම් වී තිබෙනවා.
IHP යනු ශ්‍රී ලංකාවේ කොළඹ පිහිටි ස්වාධින, පක්ෂග්‍රාහී නොවන පර්යේෂණ මධ්‍යස්ථානයකි. SLOTS හි
ප්‍රධාන විමර්ශකයා වන්නේ IHPහි වෛද්‍ය රවී රන්නන්-එලියයි.
ඔහු හාවඩ් විශ්ව විද්‍යාලයේ මහජන මත විමසුම් සමීක්ෂණ පිළිබඳ පුහුණුව ලබා ඇති අතර දශක තුනක් පුරා විවිධ්‍ මත විමසුම් සමීක්ෂණ සිදු කරනු ලබනවා.
සෞඛ්‍ය ප්‍රතිපත්ති සඳහා වන ආයතනය හෙවත් (IHP) නිකුත් කරන ලද වාර්තාව පහතින්
