ශ්‍රී ලංකා රේගුව විසින් රාජසන්තක කර ඇති බෙහෙත් ඉඟුරු ටොන් 50ක් සහනදායී මිල ගණන් යටතේ ශ්‍රී ලංකා ආයුර්වේද ඖෂධ සංස්ථාව වෙත ලබාදීමට අමාත්‍ය මණ්ඩල අනුමැතිය හිමිව තිබෙනවා.
ඒ සෞඛ්‍ය අමාත්‍යවරයා ඉදිරිපත් කළ යෝජනාවකට අනුවයි.
ආයුර්වේද ඖෂධ සංස්ථාව නිෂ්පාදනය කරනු ලබන ඖෂධ වර්ග 87ක් සඳහා බෙහෙත් ඉඟුරු අමුද්‍රව්‍යක් ලෙස යොදාගනු ලබනවා.
මේ දිනවල වෙළඳපොළේ බෙහෙත් ඉඟුරුවල දැඩි හිඟයක් පැවතීම සැලකිල්ලට ගෙනයි අමාත්‍ය මණ්ඩලය මෙම තීරණය ගෙන ඇත්තේ.
