ඉදිරි දින කිහිපය ඇතුළත වී සඳහා නව සහතික මිලක් ලබාදීමට කටයුතු කරන බව කෘෂිකර්ම නියෝජ්‍ය අමාත්‍ය නාමල් කරුණාරත්න මහතා පවසනවා.
ගොවියාට සාධාරණයක් වන ආකාරයට වී සදහා ලබා දී ඇති සහතික මිල සංශෝධනය කරන බවත් ඒ හරහා පාරිභෝගිකයා ආරක්ෂා වන පරිදි රජය සැලකිය යුතු වී ප්‍රමාණය මිලදී ගැනීමට කටයුතු කරන බවත් ඔහු කියා සිටියා.
මේ වන තෙක් ගොවීන්ට ලබා දීමේදී ප්‍රමාද වූ පොහොර සහනාධාරය මේ සතිය ඇතුළත සම්පූර්ණ කරන බවයි.
පොහොර සඳහා වන මුදල් ගෙවීම ප්‍රමාද වීමට බලපෑ හේතුව හඳුනාගෙන ඇති බවත් ඒවා කඩිනමින් නිවැරදි කරන බවත් කෘෂිකර්ම නියෝජ්‍ය අමාත්‍ය නාමල් කරුණාරත්න මහතා වැඩිදුරටත් පැවසුවා.
