ඉන්දියාවේ මධ්‍ය ප්‍රදේශ් ප්‍රධාන අමාත්‍ය මොහාන් යාදෙව් මේ දිනවල ජපානයේ සංචාරකට එක්ව සිටින අතර ඔහු එහිදී ජපානයේ ඉන්දීය තානාපති සිබි ජෝර්ජ් හමුවී තිබෙනවා.
එහිදී තානාපතිවරයා පැවසුවේ ඉදිරි වසර කිහිපය තුළ අවම වශයෙන් ඉන්දියානු වෘත්තිකයන් 50,000 ක් ජපානයට ගෙන්වා ගැනීම සඳහා කටයුතු සූදානම් කරමින් සිටින බවයි.
එමෙන්ම ඉන්දියාව තුළ මෙහෙයුම් සිදු කරන ජපන් සමාගම් සංඛ්‍යාව 1500 සිට 15,000 දක්වා වැඩි කිරීමේ ඉලක්කයක් ද පවතින බව තානාපතිවරයා එහිදී පවසා තිබෙනවා.
ඒ ඔස්සේ ඉන්දියාව තුළ ජපන් ආයෝජන ඉහළ නැංවිය හැකි බව ද තානාපතිවරයා පෙන්වා දුන්නා.
ඉන්දියාව සහ ජපානය අතර විශිෂ්ඨ දේශපාලන සබඳතා, ව්‍යාපාරික, විද්‍යා හා තාක්‍ෂණ, ආරක්‍ෂක සහ ආරක්‍ෂක සබඳතා සහ මිනිසුන් අතර සම්බන්ධතා පවතින බව ද තානාපතිවරයා අවධාරණය කර තිබෙනවා.
ඉන්දියාව සහ ජපානය යනු කලාපයේ ආරක්‍ෂාව සහ සමෘද්ධිය ගැන විශ්වාස කරන සමාන අදහස් ඇති රටවල් බව ද ඔහු පෙන්වා දී තිබෙනවා.
