ඕස්ටේ්‍රලියාවේ නැගෙනහිර වෙරළ තීරය ආශ්‍රිතව ජීවත්වන මිලියන සංඛ්‍යාත ජනතාව, ප්‍රබල සුළි කුණාටුවක් හේතුවෙන් අවදානමකට පත්ව සිටිනවා.
වැඩිම බලපෑමක් එල්ල වී ඇත්තේ ක්වීන්ස්ලන්තය සහ උතුරු නිව් සවුත් වේල්ස් ප්‍රදේශයටයි.
ඇල්ෆ්‍රඩ් ලෙස නම් කර ඇති මෙම සුළි කුණාටුව ඉදිරි පැය 48 තුළ ගොඩබිමට ඇතුළුවනු ඇති බවටයි අනුමාන කෙරෙන්නේ.
මෙම කලාපය මෙතරම් දරුණු සුළි කුණාටුවක අවදානමකට ලක්ව ඇත්තේ වසර 50කට වැඩි කාලයකට පසු පළමු වරට වීම විශේෂත්වයක්.
සැන්ඩි කේප් සිට ග්‍රැෆ්ටන් දක්වා මිලියන හතරකට අධික පිරිසක් සුළි කුණාටුවේ බලපෑම හේතුවෙන් දැඩි වර්ෂාපතනය, තද සුළං සහ හදිසි ගංවතුර ඇතිවීමේ අවදානමකට දැනටමත් මුහුණ දී තිබෙනවා.
පළමුවන කාණ්ඩයේ අත්ලාන්තික් සුළි කුණාටුවකට සමාන ප්‍රබලත්වයකින් යුත් මෙම නිවර්තන සුළි කුණාටුව ක්වීන්ස්ලන්තයේ බි්‍රස්බේන් නගරයට ආසන්නයෙන් ගමන් කරනු ඇති බවටයි දැන් වාර්තා පළ වන්නේ.
බි්‍රස්බේන් ආසන්නයෙන් මෙතරම් ප්‍රබල සුළි කුණාටුවක් අවසන් වරට හමා ගොස් ඇත්තේ 1974 දීයි. සෝයි ලෙස නම් වූ එම සුළි කුණාටුවෙන් දැඩි ගංවතුර තත්ත්වයක්ද ඇති වුණා.
ඇල්ෆ්‍රඩ් සුළි කුණාටුව නැගෙනහිර වෙරළ තීරයට කිලෝමීටර් 400 කට වඩා දුරින් පිහිටා තිබූ අතර, පැයට කිලෝමීටර් 120ක වේගයෙන් එය මේ වන විට බටහිරට ගමන් කරන බවයි ඕස්ටේ්‍රලියා කාලගුණ විද්‍යා කාර්යාංශය දැන් නිවේදනය කර ඇත්තේ.
