පළාත් පාලන ආයතන ඡන්ද විමසීමට අදාළ තැපැල් ඡන්ද පත්‍රිකා අප්‍රේල් මස 05 වන දිනට පෙර මුද්‍රණය කර අවසන් කිරීමට මේ වන විට කටයුතු කරමින් සිටින බව රජයේ මුද්‍රණාලයාධිපති ප්‍රදීප් පුෂ්පකුමාර මහතා පවසනවා.
නෙත් නිවුස් කළ විමසීමකදී ඔහු කියා සිටියේ ඒ සඳහා ප්‍රමුඛතාව ලබා දෙමින් මේ වන විට කටයුතු කරන බවයි.
මැතිවරණ කොමිසම විසින් ලබා දුන් ඇනවුම්වලට අනුව පළාත් පාලන ආයතන ඡන්ද විමසීමට අදාළ සෙසු මුද්‍රණ කටයුතුද මේ වන විට අවසන් කර මැතිවරණ කොමිසමට භාර දී ඇති බවයි ඔහු වැඩිදුරටත් පැවසුවේ.
