මෙරට සංචාරයක නිරත ඉන්දීය අග්‍රාමාත්‍ය නරේන්ද්‍ර මෝදි මහතා අද අනුරාධපුර ප්‍රදේශයේ සංචාරයක නිරත වනවා.
අනුරාධපුර ජය ශ්‍රී මහා බෝධිය වන්දා කිරීමෙන් අනතුරුව නවීකරණය කළ මහව - ඕමන්ත දුම්රිය මාර්ගය මෙන්ම මහව - අනුරාධපුර දුම්රිය සංඥා පද්ධතිය ජනතා අයිතියට පත් කිරීමට ඉන්දීය අග්‍රාමාත්‍යවරයා සහභාගි වීමට නියමිතයි.
මේ අතර ඉන්දීය අග්‍රාමාත්‍ය නරේන්ද්‍ර මෝදි මහතාගේ අනුරාධපුර නගරය ආශ්‍රිත සංචාරය හේතුවෙන් ඒ ආශ්‍රිතව අද දිනයේ විශේෂ රථ වාහන සැලැස්මක් ක්‍රියාත්මක බව පොලීසිය පවසනවා.
ඒ අනුව පෙරවරු 08.30 සිට අනුරාධපුර ගුවන් හමුදා කඳවුරේ සිට ශ්‍රී මහා බෝධිය දක්වා වූ මාර්ගයේ රෝහල් වටරවුම, හරිස්චන්ද්‍ර මාවත, පළාත් සභා වටරවුම, ඔරලෝසු කණුව වටරවුම කුරුණෑගල හන්දිය දක්වා විටින් විට වසා දැමෙන බවයි පොලීසිය පැවසුවේ.
එමෙන්ම ශ්‍රී මහා බෝධිය අසල සිට අනුරාධපුර දුම්රිය ස්ථානය දක්වා මාර්ගය ද එම කාලය තුළ වසා දැමෙනවා.
අනුරාධපුර දුම්රිය ස්ථානයේ සිට නැවත අනුරාධපුර ගුවන් හමුදා කඳවුර දක්වා කොටස වසා දැමෙන බවයි පොලීසිය පැවසුවේ.
එම කාලයන් තුළ විකල්ප මාර්ග භාවිත කරන ලෙසට පොලීසිය මහජනතාවගෙන් සහ රියදුරන්ගෙන් ඉල්ලීමක් ද කළා.
එලෙස ගමන් කළ යුතු විකල්ප මාර්ග ඇතුළත් පොලිස් මාධ්‍ය කොට්ඨාසය විසින් නිකුත් කළ නිවේදනය පහතින්
