මේ මස 20 වනදා සිට බලපැවැත්වෙන පරිදි ගාලු මුවදොර පිටිය ආගමික කටයුතු සඳහා හැර සංගීත සංදර්ශන, දේශපාලන රැස්වීම් වැනි කටයුතු සඳහා භාවිත කිරීමට අවසර නොදීමට අමාත්‍ය මණ්ඩලය තීරණය කර තිබෙනවා.
ඒ මහජනතාවට නිදහසේ කාලය ගත කිරීම සඳහා පමණක් එම භූමිය වෙන් කිරීම සඳහායි. ඒ සම්බන්ධයෙන් රජයේ ප්‍රවෘත්ති දෙපාර්තමේන්තුවේ අද පැවැති කැබිනට් තීරණ දැනුම්දීමේ මාධ්‍ය හමුවට එක්වෙමින් කැබිනට් ප්‍රකාශක අමාත්‍ය ආචාර්ය බන්දුල ගුණවර්ධන මෙලෙස අදහස් පළ කළා.
