කාන්තාවන් රැකියා සඳහා විදේශගත වීමේදී තම දරුවන්ගේ අවම වයස් සීමාව අවුරුදු 02 වෙනුවට යලිත් පෙර පැවති අවුරුදු 05 සීමාව දක්වා සංශෝධනය කිරීමට බලාපොරොත්තු වන බව කාන්තා හා ළමා කටයුතු රාජ්‍ය අමාත්‍ය ගීතා කුමාරසිංහ පවසනවා.
ඇය සදහන් කලේ, අවුරුදු 05ට අඩු දරුවන් සිටින මව්වරුන් කොපමණ ප්‍රමාණයක් මේ වන විට විදේශගත වී ඇත්දැයි සොයා බැලීමට ප්‍රාදේශීය ලේකම් කොට්ඨාස මට්ටමින් දත්ත රැස් කිරීමට ද පියවර ගෙන ඇති බවයි.
දරුවන් සිගමනේ යෙදීම සම්බන්ධයෙන්ද මෙහිදී අදහස් පල කෙරුණා.
මේ අතර, සියළුම මගී ප්‍රවාහන සේවා බස් රථවල සීසීටීවී කැමරා සවිකිරීමට පියවර ගන්නා බවද රාජ්‍ය අමාත්‍යවරිය මෙහිදී සදහන් කලා.
රාජ්‍ය අමාත්‍ය ගීතා කුමාරසිංහ පැවසුවේ පොදු මගී ප්‍රවාහන සේවාවන් තුළදී කාන්තාවන්ට සිදුවන හිංසන නැවත්වීම සඳහා කැමරා සවිකිරීම තුළින් යම් ප්‍රමාණයකට අඩු වෙතැයි අපේක්ෂා කරන බවයි.
ඒ අනූව මගී ප්‍රවාහන සේවා බස් රථ සඳහා ලබා දෙන වාර්ෂික බලපත්‍රයේ බලපත්‍ර කොන්දේසියක් ලෙස කැමරා සවි කිරීම ඇතුළත් කිරීමේ යෝජනාවක් වගකිව යුතු පාර්ශ්ව වෙත යොමු කිරීමට අවධානය යොමු කර ඇති බවද මෙහිදී ප්‍රකාශ කෙරුණා.
