දක්ෂිණ අධිවේගී මාර්ගයේ බෙලිඅත්ත පිවිසුම ආසන්නයේදී පුද්ගලයින් පස් දෙනෙකු ඝාතනය කිරීමේ සිද්ධියට අදාළව අත්අඩංගුවට ගනු ලැබුවේ එම සැලසුම සකස් කළ ප්‍රධාන සැකකරු බව පොලීසිය පවසනවා.
මාතර ජ්‍යෙෂ්ඨ පොලිස් අධිකාරී පණ්ඩුල වීරසිංහ පැවසුවේ හක්මන පොලීසිය විසින් එම සැකකරු අත්අඩංගුවට ගත් බවයි.
එම සිද්ධියේ වෙඩික්කරුවන් ගමන්ගත් ජීප් රථය ද මේ වන විට පොලිස් භාරයට ගත් බවයි ඔහු කියා සිටියේ.
අදාළ සිද්ධියේ විමර්ශණ කටයුතු සඳහා මහජනතාවගෙන් සහයෝගය ලැබුණු බව ද මාතර ජ්‍යෙෂ්ඨ පොලිස් අධිකාරී පණ්ඩුල වීරසිංහ වැඩිදුරටත් කියා සිටියා.
