සිංහල හා දෙමළ අලුත් අවුරුද්ද වෙනුවෙන් නගරයේ සිට ගම්බිම් බලා යන ජනතාව සඳහා අද සිට අතිරේක බස් සේවා වැඩි වශයෙන් ක්‍රියාත්මක කරන බව ලංකා ගමනාගමන මණ්ඩලය පවසනවා.
ඒ සඳහා බස් රථ 1,400ක් පමණ යෙදවීමට සූදානම් කර ඇති බවයි ලංකා ගමනාගමන මණ්ඩලයේ නියෝජ්‍ය සමාන්‍යාධිකාරී - ධාවන පණ්ඩුක ස්වර්ණහංස නෙත් නිවුස් වෙත පැවසුවේ.
අලුත් අවුරුදු නිවාඩුව සඳහා ගම්බිම් බලා යන ජනතාවගේ පහසුව සඳහා දුම්රිය දෙපාර්තමේන්තුවද අද සිට විශේෂ දුම්රිය ගමන් වාර කිහිපයක් ධාවනයට එක්කර තිබෙනවා. ඒ සම්බන්ධයෙන් කරුණු දැක්වූ දුම්රිය නියෝජ්‍ය සාමාන්‍යාධිකාරි - ගමනාගමන නන්දන ඉදිපොළගේ.
සිංහල හා දෙමළ අලුත් අවුරුද්ද වෙනුවෙන් ගම්බිම් බලා ගිය ජනතාව සඳහා යළි නගර වෙත පැමිණීමට ද විශේෂ ප්‍රවාහන සේවා ක්‍රියාවට නංවන බවයි ප්‍රවාහන බලධාරීන් පැවසුවේ.
