රටම බලා සිටින අරුණ අද ඔලිම්පික් අවසන් පූර්ව තරග බිමේ

2024 පැරිස් ඔලිම්පික් උළලේ පිරිමි මීටර් 400 ඉසව්වේ අවසන් පූර්ව වටයේ තරගයකට ශ්‍රී ලංකා මලල ක්‍රීඩක අරුණ දර්ශන අද එක්වනවා.

එම තරගය මෙරට වේලාවෙන් රාත්‍රී 11යි 05ට පැවැත්වීමට නියමිතයි.

ඔහු මෙම තරගයට එක්වීමට සුදුසුකම් ලැබුවේ පිරිමි මීටර් 400 ඉසව්වේ මූලික වටයේ 5 වැනි තරගයෙන් තුන්වන ස්ථානය දිනා ගැනීම හේතුවෙන්.

එම තරගයේදී අරුණ දර්ශන විසින් වාර්තා කළ කාලය තත්පර 44යි දශම 9යි 9ක්.

එය එම ඉසව්වේ අරුණ දර්ශනගේ පෞද්ගලික හොදම දක්‍ෂතාවද වනවා.