ශ්‍රි ලංකාව ලෝක ළමා දිනය අද සමරනු ලබන්නේ මෙරට ළමුන්ද විවිධ අභියෝගයන්ට මුහුණ පා සිටින පසුබිමක් තුළයි.
එමෙන්ම පවතින ආර්ථික තත්ත්වය සහ අධ්‍යාපන ක්‍රමය හරහා ළමුන්ගේ නිදහස ද අහිමිවී ඇති බව සමාජ විද්‍යාඥයින් පෙන්වා දෙනවා.
මේ, ඒ සම්බන්ධයෙන් කරුණු දැක්වූ කොළඹ විශ්ව විද්‍යාලයේ සමාජ විද්‍යා අධ්‍යයන අංශයේ මහාචාර්ය මොහොමඩ් මහීෂ් මහතා.
දරුවන්ට ළමා කාලය අහිමි වුවහොත් එය ඔවුන්ගේ අනාගතයට ද බලපෑම් එල්ලකරන බවයි මෙහිදී ප්‍රකාශ කෙරුණේ.
වර්තමානයේ වැඩිහිටියන් ද අසරණ තත්ත්වයට පත්ව සිටින බවද ඔහු කියා සිටියා.
ඒ අනුව වැඩිහිටියන්ගේ සතුට වෙනුවෙන් කටයුතු කිරීමද වැදගත් බවයි කොළඹ විශ්ව විද්‍යාලයේ සමාජ විද්‍යා අධ්‍යයන අංශයේ මහාචාර්ය මොහොමඩ් මහීෂ් මහතා වැඩිදුටත් පැවසුවේ.
