පන්දුවාර විස්සයි විස්ස කාන්තා ලෝක කුසලාන ක්‍රිකට් තරඟාවලියේ ශ්‍රී ලංකාව සහභාගී වන පළමු තරඟය අද පැවැත්වෙනවා.
ඒ, පකිස්තානය සමගයි. තරඟය ආරම්භ වන්නේ ශ්‍රී ලංකා වේලාවෙන් රාත්‍රී 07යි 30ටයි.
පකිස්තානය මෙම තරඟාවලියේ ඔවුන් සහභාගී වූ පුහුණු තරඟ දෙකෙන්ම පරාජයට පත් වුණා.
ඒ, ස්කොට්ලන්තය සහ බංග්ලාදේශය හමුවේයි. කෙසේවෙතත් ශ්‍රී ලංකාව තමන් සහභාගී වූ පුහුණු තරඟ දෙකම පහසුවෙන් ජය ගත්තා.
ඒ, බංග්ලාදේශය සහ ස්කොට්ලන්තය පරාජය කරමින්.
පන්දුවාර විස්සයි විස්ස ලෝක කුසලාන ක්‍රිකට් තරඟාවලිය අද ආරම්භ වන්නේ එක්සත් අරාබි එමීර් රාජ්‍යයෙදීයි.
තරඟාවලියට කණ්ඩායම් 10ක් ඇතුළත් වන අතර ශ්‍රී ලංකාව එක් වන්නේ ‘ඒ’ කාණ්ඩයෙන්.
ශ්‍රී ලංකාව සහභාගී වන දෙවන තරඟය ඕස්ටේ්‍රලියාව සමග ලබන සෙනසුරාදා පැවැත්වෙනවා.
