මහමැතිවරණයට නාම යෝජනා භාර ගැනීම අද සිට

2024 මහමැතිවරණයේ නාම යෝජනා භාර ගැනීම අද සිට ආරම්භ වනවා.

අද සිට මෙම මස 11වනදා මධ්‍යහ්න 12 දක්වා නාම යෝජනා භාර ගැනීම සිදු කෙරෙන බවයි මැතිවරණ කොමිසම පැවසුවේ.

නාම යෝජනා භාර ගැනීම සිදු වන්නේ මැතිවරණ කොට්ඨාස 22ක අදාළ දිස්ත්‍රික් ලේකම් කාර්යාලවලදීයි.

ඒ සම්බන්ධයෙන් කරුණු දැක්වූ මැතිවරණ කොමසාරිස් ජනරාල් සමන් ශ්‍රී රත්නායක මහතා.

නාම යෝජනා භාර දීමට පැමිණීමේදී හෝ නාම යෝජනා භාර දීමෙන් පසුව  පෙළපාළි පැවැත්වීම සම්පූර්ණයෙන් තහනම් බවයි මැතිවරණ කොමිසමේ සභාපතිවරයා වැඩිදුරටත් පැවසුවේ.