පන්දුවාර විස්සයි විස්ස කාන්තා ලෝක කුසලාන ක්‍රිකට් තරඟාවලියේ ශ්‍රී ලංකා කාන්තා ක්‍රිකට් කණ්ඩායම තීරණාත්මක තරඟයකට අද පිවිසෙනවා.
ඒ, ඕස්ටේ්‍රලියා කාන්තා ක්‍රිකට් කණ්ඩායමට එරෙහිවයි. පස්වරු 03යි 30ට තරඟය සාජාහිදී ආරම්භ වීමට නියමිතව තිබෙනවා.
පකිස්තාන කාන්තා ක්‍රිකට් කණ්ඩායම සමග පසුගියදා පැවති තරඟයෙන් ශ්‍රී ලංකා කාන්තා ක්‍රිකට් කණ්ඩායමට ලකුණු 31ක අනපේක්‍ෂිත පරාජයක් අත්වුණා.
එහිදී පකිස්තාන කණ්ඩායමේ සියලු පිතිකාරිණියන් ලකුණු 116කට දවා ගැනීමට ශ්‍රී ලංකා ක්‍රීඩිකාවන් සමත් වුණා.
කෙසේවෙතත් ලකුණු 117ක ඉලක්කයක් හඹා යාමට පිටියට පිවිසි ශ්‍රී ලංකා කාන්තා ක්‍රිකට් කණ්ඩායමට කඩුලු 09ක් දැවී ලබා ගැනීමට හැකි වුණේ ලකුණු 85ක් පමණයි.
ඒ අනුව ඕස්ටේ්‍රලියානු කාන්තා ක්‍රිකට් කණ්ඩායම සමග අද පැවැත්වෙන තරඟය ශ්‍රී ලංකා කණ්ඩායම ජයගත යුතු වනවා.
එසේ නොවුනහොත් පන්දුවාර විස්සයි විස්ස කාන්තා ලෝක කුසලාන ක්‍රිකට් තරඟාවලියේ ඉදිරි තරඟ සඳහා ශ්‍රී ලංකා කණ්ඩායමට පිවිසීමට ඇති හැකියාව වඩාත් අවදානම් මට්ටමකට පත් වනවා.
