වසර 19 ක් වසා දමා තිබූ කොළඹ මාර්ගයක් යළි විවෘත කර තිබෙනවා.
කොල්ලු‍පිටිය, ආර් ඒ ඩි මෙල් මාවතේ මයිකල් වටරවුමේ සිට අරලියගහ මන්දිරය හරහා රොටුන්ඩා වටරවුම දක්වා දිවෙන කොටස එලෙස යළි විවෘත කළ බවයි ආරක්‍ෂක අමාත්‍යාංශය පැවසුවේ.
එම මාර්ගයේ සිදුකෙරෙන සංවර්ධන කටයුතු හේතුවෙන් එක් දිශාවකට පමණක් පළමුව වාහන ධාවන කටයුතු සිදුවනවා.
එම සංවර්ධන කටයුතු අවසන් වූ වහාම එම මාර්ගයේ ඉතිරි කොටසද විවෘත කරන බවයි ආරක්‍ෂක අමාත්‍යාංශය පැවසුවේ.
ආරක්‍ෂක හේතූන් මත එම මාර්ගය 2005 වසරේ සිට වසා දමා තිබුණා.
