ඇඹිලිපිටිය, කොතලාවල හන්දිය ප්‍රදේශයේ සිදුකල වැටලීමකදී ගිනි අවි සහ තියුණු ආයුධ සන්තකව සිටි සැකකරුවෙකු අත්අඩංගුවට ගැනීමට පොලිස් විශේෂ කාර්ය බලකායේ නිලධාරින් සමත් වී තිබෙනවා.
සැකකරු සතුව තිබී ්ණ47 වර්ගයේ ගිනි අවියක්, පිස්තෝල වර්ගයේ ගිනි අවියක්, පතොරම් 32 ක්, පතොරම් බහාලන මැගසීනයක්, කඩු දෙකක් සහ පිහියක් සිය භාරයට ගත් බවයි පොලිස් විශේෂ කාර්ය බලකාය පැවසුවේ.
අත්අඩංගුවට ගත් සැකකරු 59 හැවිරිදි ඇඹිලිපිය ප්‍රදේශයේ පදිංචි විශ්‍රාමික ආරක්ෂක හමුදා සාමාජිකයෙකු බවට අනාවරණ වී තිබෙනවා.
එම සැකකරු සංවිධානාත්මක අපරාධකරුවෙකු හා මත්ද්‍රව්‍ය ජාවරකම්කරුවෙකුගේ සමීපතමයෙකු බවට ද තොරතුරු අනාවරණ වී ඇති බවයි පොලිසිය පැවසුවේ.
