පවතින අධික වැසි තත්ත්වය හේතුවෙන් අපොස උසස් පෙළ විභාගය හෙට සිට දින තුනක් නොපැවැත්වීමට විභාග දෙපාර්තමේන්තුව තීරණය කර තිබෙනවා.
ඒ අනුව හෙට, එනම් 27, 28 සහ 29 යන දින තුනේදී අපොස උසස් පෙළ විභාගය නොපැවැත්වෙන බවයි විභාග දෙපාර්තමේන්තුවේ අද පස්වරුවේ පැවති විශේෂ ප්‍රවෘත්ති සාකච්ඡාවකට එක්වෙමින් විභාග කොමසාරිස් ජනරාල්වරයා කියා සිටියේ.
එළඹෙන 30 වන සෙනසුරාදා සිට දැනට නිකුත් කර ඇති කාලසටහන අනුව උසස් පෙළ විභාගය නැවත ආරම්භ වනවා.
හෙට සිට විභාගය නොපැවැත්වෙන දින තුනට අදාළ විෂයයන් දෙසැම්බර් 21, 22 සහ 23 යන දිනවලදී පැවැත්වීමට කටයුතු යොදන බවද විභාග කොමසාරිස් ජනරාල්වරයා වැඩිදුරටත් සඳහන් කළා.
