නීති විරෝධී ලෙස ගිනි අවි සන්තකයේ තබා ගත් පුද්ලගලයින් තිදෙනෙකු පොලීසිය විසින් අත්අඩංගුවට ගෙන තිබෙනවා.
එම එක් සැකකරුවෙකු නොච්චියාගම පොලීසිය මගින් අත්අඩංගුවට ගෙන ඇත්තේ නොච්චියාගම, කුඩා වැව ප්‍රදේශයේ සිදු කළ වැටලීමකදීයි.
ලද තොරතුරක් මත මහව පොලිස් ස්ථානයේ නිලධාරීන් කණ්ඩායමක් මහව, අඹගස්වැව ප්‍රදේශයේ සිදු කළ වැටලීමකදී මෙරට නිෂ්පාදිත ගිනි අවියක්, නීති විරෝධී ගිනි අවියක් සහ මත්පැන් ලීටර 04ක් සමග තවත් සැකකරුවෙකු අත්අඩංගුවට ගෙන තිබෙනවා.
නිකවැරටිය ගලගෙදර ප්‍රදේශයේදී මෙරට නිෂ්පාදිත ගිනි අවියක් සන්තකයේ තබාගෙන සිටි තවත් සැකකරුවෙකු නිකවැරටිය පොලිසිය මගින් අත්අඩංගුවට ගෙන ඇති බවයි පොලිස් මාධ්‍ය ප්‍රකාශක කාර්යාලය පැවසුවේ.
