යතුරුපැදි සොරකම් කළ සැකකරුවන් දෙදෙනෙකු බස්නාහිර පළාත දකුණ අපරාධ කොට්ඨාසයේ නිලධාරීන් කණ්ඩායමක් විසින් අත්අඩංගුවට ගෙන තිබෙනවා.
පොලීසිය පැවසුවේ සැකකරුවන් මාදම්පේ ගලහිටිය හන්දිය සහ ඉස්සන්මැඩිල්ල ප්‍රදේශවලදි අත්අඩංගුවට ගත් බවයි.
ඔවුන් කළ ප්‍රශ්න කිරීම් හමුවේ සොරකම් කරන ලද යතුරුපැදි දෙකක් සහ අංක තහඩු රහිත තවත් යතුරු පැදියක් පොලිස් නිලධාරීන් විසින් සොයාගෙන තිබෙනවා.
සැකකරුවන් මාදම්පේ ප්‍රදේශයේ පදිංචිකරුවන් වන බවයි පොලීසිය පැවසුවේ.
