කොළඹ ජාත්‍යන්තර පොත් ප්රදර්ශනයේ අටවන දිනය අදයි. ගත වූ දින 07 තුළ ලක්ෂ හතකට අධික ජනතාවක් ප්‍රදර්ශනය නැරඹීම සඳහා පැමිණි බවයි සංවිධායකයින් පවසන්නේ.
මෙම සති අන්තයේ ද විශාල ජනකායක් ප්‍රදර්ශනය නැරඹීමට පැමිණෙනු ඇතැයි අපේක්ෂා කෙරෙනවා. ඔවුන් වෙනුවෙන් විශේෂ ප්‍රවාහන සේවා ද ක්‍රියාත්මක කරන බව පොත් ප්‍රකාශකයින්ගේ සංගමයේ මහ ලේකම් උපාලි වනිගසූරිය පැවසුවේ.
කොළඹ ජාත්‍යන්තර පොත් ප්රදර්ශනයේ නිල රේඩියෝව ලෙස කටයුතු කරන්නේ නෙත් එෆ්ග එම්ග රේඩියෝවයි.
නෙත් එෆ්.එම්. ප‍්‍රදර්ශන කුටියක් ද ප‍්‍රදර්ශන භූමියේ පිහිටුවා තිබෙනවා. අවශ්‍යතා සහිත පාසල්වලට බෙදාදීම සඳහා පොත්පත් එකතු කිරීම එහිදී සිදුකෙරෙන ප‍්‍රමුඛ කටයුත්තක්.
කොළඹ ජාත්‍යන්තර පොත් ප්රදර්ශනයේ නෙත් එෆ්.එම්. කුටියට පැමිණෙන පිරිසට ත්‍යාග දිනා ගැනීමට ද අවස්ථාවක් හිමියි. ඒ සඳහා සරල හා විනෝදාත්මක තරග කිහිපයක් සංවිධාන කර තිබෙනවා.
බැලුම්ගල වැඩසටහන සඳහා පැමිණිලි භාරගැනීම ද මෙහිදී සිදුකිරීම විශේෂත්වයක්.
