2006 වසරේ සිට මේ දක්වා පුරා වසර 10ක කාලයක් න්‍යායාත්මක සහ ප‍්‍රායෝගික දැනුමින් පරිපූර්ණ දරු දැරියන් අතිවිශාල සංඛ්‍යාවක් මාධ්‍ය කලා ක්ෂේත‍්‍රයට දායාද කළ මාධ්‍ය කලා සහ කළමනාකරණ පාසල සිය මාධ්‍ය අධ්‍යාපන මෙහෙවරේ අභිමානවත් දසවන වසර සමරමින් 2016 ඔක්තෝබර් මස 02 වන දින උදෑසන සංඝගත දක්ෂිණාවක් පිරිනැමීම සහ පිරිත් දේශනයක් නාවල, කිරිමණ්ඩල මාවත පිහිටි මාධ්‍ය කලා සහ කළමනාකරණ පාසල් පරිශ‍්‍රයේදී පවත්වනු ලබන අතර ඒ හා සමගාමීව සංවිධානය කරන ලද ලේ දන් දීමේ පිංකම නාරාහේන්පිට ජාතික රුධිර පාරවිලයන මධ්‍යස්ථානයේදී පැවැත්වෙනවා.
මෙම පිංකම් මාලාව සඳහා සහභාගී වීම සඳහා මාධ්‍ය කලා සහ කළමනාකරණ පාසලේ සිසු ආදි සිසු සැමට මාධ්‍ය පාසල ආරාධනා කරන අතර ලේ දන් දීමේ මහඟු පුණ්‍ය කටයුත්තට ඔබටත් දායක විය හැකියි.
සිසු දරු දැරියන්ගේ දැනුම ආකල්ප සංවර්ධනයට අමතරව මීට පෙරද මාධ්‍ය පාසල විසින් ගං වතුර නිසා අවතැන් වූවන් වෙත ආධාර ලබා දීම වැනි ප‍්‍රජා සත්කාර සිදු කරන ලද අතර ඉදිරියේදීද තවත් ප‍්‍රජා සත්කාර සිදු කිරීමට බලාපොරොත්තුවෙන් සිටිනවා.
