අනතුරක් හෝ අපරාධයක් සිදු වූ විට තමන්ගේ ජංගම දුරකථනයෙන් ඉදිරිපත් කරන පැමිණිලි ඔස්සේ අනතුරේ හෝ අපරාධයේ ස්වභාවය පිළිබඳව සියලු දත්ත ලබාගත හැකි නව තාක්ෂණ ක්‍රමවේදය පිළිබදව අධ්‍යනය කිරීමට රජය තීරණය කර තිබෙනවා.
පොලිස් සේවය වඩාත් කාර්යක්ෂම හා ජනතාවට සමීප සේවාවක් බවට පත්කරලීම මෙහිදී අපේක්ෂා කෙරෙනවා.
ඒ අනුව අග්‍රාමාත්‍ය කාර්ය මණ්ඩල ප්‍රධානී, නීතිය සාමය සහ දක්ෂිණ සංවර්ධන අමාත්‍ය සාගල රත්නායක වෙලිංටන් නුවර පිහිටි පොලිස් අණදෙන මූලස්ථානයේ නිරීක්ෂණ චාරිකාවකට එක් වෙමින් මේ පිළිබඳව සොයා බැලීමට කටයුතු කළා.
මෙම නව තාක්ෂණ ක්‍රමවේදය භාවිතා කිරීම මගින් අපරාධ සහ අනතුරු අවම කර ගැනීමට හැකි වී තිබෙන බව පෙන්වා දී ඇති එරට පොලිස් මූලස්ථානයේ ප්‍රධානීන්, මෙම ක්‍රමවේදයේදී පැමිණිල්ලක් ඉදිරිපත් කිරීමට පොලිස් මූලස්ථානයට කිසිවෙකු පැමිණීමේ අවශ්‍යතාවක් නොමැති බව ද සඳහන් කර තිබෙනවා.
