කිලිනොච්චිය නගරයේ දී පොලිස් නිලධාරියෙකුට පහර දී තුවාල සිදු කිරීමේ චෝදනා යටතේ අත්අඩංගුවට ගත් සැකකරු ලබන 31 වැනි දා දක්වා රක්ෂිත බන්ධනාගාරගත කෙරුණා.
ඒ, කිලිනොච්චිය මහේස්ත‍්‍රාත් ඒ. කේ. ආනන්ද රාජාගේ නියෝගයකට අනුවයි.
බීමතින් කළහකාරී ලෙස හැසිරීම සහ රාජකාරී කරමින් සිටි පොලිස් නිලධාරීවරයෙකුට පහරදීමේ චෝදනා යටතේ අදාළ සැකකරු අත්අඩංගුවට ගෙන අධිකරණය හමුවට ඉදිරිපත් කෙරුණා.
මෙලෙස රක්ෂිත බන්ධනාගාරගත කෙරුණේ කිලිනොච්චිය ධර්මපුරම් ප‍්‍රදේශයේ පදිංචි 38 හැවිරිදි ආරුමුගම් නවනීදරාසා නමැති පුද්ගලයෙක්.
පහරකෑමට ලක් වූ පොලිස් සැරයන්වරයා තවදුරටත් කිලිනොච්චිය රෝහලේ ප්රතිකාර ලබනවා. අදාළ පහහරදීම සිදු වූයේ ඉකුත් 25 වන දා පස්වරුවේයි.
