ඕස්ටේ‍්‍රලියානු සුපිරි පිතිකරු රිකී පොන්ටින්ගේ වාර්තාවක් සම කිරීමට වත්මන් නායක ස්ටීවන් ස්මිත් සමත්වුණා. ඒ නවසීලන්තයට එරෙහිව ඊයේ (04) පැවති පළමු එක්දින කි‍්‍රකට් තරගයේදීයි.
එහිදී ස්මිත් ඕස්ටේ‍්‍රලියාව වෙනුවෙන් ලකුණු 164ක් රැස් කළා. එය ඉතිහාසයට එක් වුණේ ඕස්ටේ‍්‍රලියානු නායකයෙකු වාර්තා කළ වැඩිම ලකුණු සංඛ්‍යාවේ වාර්තාව සම කිරීමක් ලෙසයි.
මීට පෙර රිකී පොන්ටින් 2006 වසරේදී දකුණු අපි‍්‍රකාවට එරෙහිව ලකුණු 164ක් රැස් කරමින් මෙම වාර්තාව බිහිකර තිබුණා.
සිඩ්නි නුවර ඊයේ පැවති තරගයෙන් ලකුණු 68ක ජයක් වාර්තා කිරීමටද ඕස්ටේ‍්‍රලියාව සමත්වුණා. තරගයේ ප‍්‍රථමයෙන් පන්දුවට පහරදුන් ඔවුන් කඩුලු 8කට ලකුණු 324යි. පිළිතුරු ඉනිම කී‍්‍රඩා කළ නවසීලන්තයට සියල්ලන් දැවී රැස්කර ගැනීමට හැකිවූයේ ලකුණු 256ක් පමණයි.
