මහ කන්නයේ වී වගාකරන ගොවීන් සදහා පොහොර ලබාදීමට රුපියල් මිලියන හත්දහසක් නිකුත් කරන බව මුදල් අමාත්‍යාංශය පවසනවා. ඉන් මිලියන පන්දහස් පන්සියයක් දැනටමත් කෘෂිකර්ම අමාත්‍යාංශය වෙත ලබාදී අවසන්. ඉතිරි මිලියන එක් දහස් පන්සියය අද නිකුත් කිරීමටයි තීරණය කර ඇත්තේ. ඒ අනුව එක් ගොවියෙකුට හෙක්ටයාර එකකට රුපියල් විසි පන්දහසක මුදලක් ලබාදෙනු ඇති.
පොහොර ලබාගැනීමට නිසි ක‍්‍රමවේදයක් යටතේ රජයේ මුදල් නොලැබුණු බවට ගොවීන් ඉකුත් සමයේ මැසිවිලි නැගුවා.
