මත්පෙති ජාවාරමක නිරත ප‍්‍රධාන පෙළේ සැකකරුවෙකු මාලිගාවත්ත ප්රදේශයේදී අත්අඩංගුවට ගෙන තිබෙනවා.
ඒ, සුරාබදු දෙපාර්තමේන්තුවේ කොළඹ සුරාබදු විශේෂ මෙහෙයුම් ඒකකය විසින්.
උපාය දූතයෙකු යොදවා සිදුකළ වැටලීමකදී මත්පෙති 30 ක් ද සමග මෙම සැකකරු අත්අඩංගුවට ගැණුනා. එක්සසි ලෙස හැදින්වෙන මෙම මත්පෙත්තක වටිනාකම රුපියල් 3,800 ක් පමණ වන බවයි සුරාබදු නිලධාරීන් පැවසුවේ.
ඔවුන් වැඩි දුරටත් පෙන්වා දුන්නේ මෙම පෙති වර්ගය වෙරළ සැණකෙළි සඳහා විශාල වශයෙන් භාවිතා කෙරෙන බවයි.
සැකකරු වයස අවුරුදු 26 ක් වන මාලිගාවත්ත ප‍්‍රදේශයේම පදිංචිකරුවෙක්. මෙම ජාවාරමට සම්බන්ධ තවත් සැකකරුවෙකු සොයා මෙහෙයුම් කි‍්‍රයාත්මකයි.
