මහ බැංකු බැදුම්කර ගණුදෙනුවෙන් නීතිවිරෝධීව උපයාගත් මුදලක්වේ නම් එය රාජසන්තක කිරීමට අවශ්‍ය කි‍්‍රයාමාර්ග ගන්නා බව එක්සත් ජනතා නිදහස් සන්ධානයේ මහලේකම් අමාත්‍ය මහින්ද අමරවීර පවසනවා. ඒ පිළිබද ජනාධිපති මෛතී‍්‍රපාල සිරිසේන මහතාගේ අවධානයට යොමු කළ බවත් ජනාධිපතිවරයා ඒ සම්බන්ධයෙන් අධ්‍යයනය කරමින් සිටින බවත් අමාත්‍යවරයා කියාසිටියා.
මහ බැංකු බැදුම්කර නිකුතුව සම්බන්ධයෙන් කෝප් කමිටුව සකස් කළ වාර්තාව පිළිබද ඊයේ (24) පාර්ලිමේන්තුවේ පැවති විවාදයට එක්වෙමින් ඔහු මෙම අදහස් පළ කළා.
