දරුණු යුද ගැටුම් පැවති සිරියාවේ ඇලෙප්පෝ නගරයේ පාපන්දු තරගයක් පවත්වා තිබෙනවා. ඒ වසර 5කට පසුවයි.
කෙසේ වෙතත් මෙම තරගය සඳහා කිසිදු නම් දැරූ පාපන්දු කි‍්‍රඩකයෙකු සහභාගි වී නැහැ. එහෙත් මෙම තරගය නැරඹීම සඳහා සැලකිය යුතු පිරිසක් පැමිණ සිටි බවයි විදෙස් මාධ්‍ය වාර්තා කළේ.
සටන්කාමීන් සහ සිරියානු හමුදා අතර ඇලෙප්පෝ නගරය ආශි‍්‍රත ප‍්‍රදේශයේ 2011 වසරේ සිට යුද ගැටුම් පැවතියා. ඉකුත්දා නගරයේ පාලනය යළි සියතට ගැනීමට සිරියානු හමුදා සමත් වුණා.
කලක් මැදපෙරදිග කලාපයේ සුන්දර සහ සුඛෝපභෝගී නගරයක් වූ ඇලෙප්පෝ නගරයේ ගොඩනැගිලි බොහෝමයක් මේ වන විට නටබුන් නගරයක් බවට පත්ව ඇති බවයි විදෙස් මාධ්‍ය වාර්තා කළේ.
