යහපාලන ආණ්ඩුව පවතින තෙක් මහනුවර ශ‍්‍රී දළදා මාළිගාව ඉදිරිපිට මාර්ගය විවෘත කිරීමට ඉඩ නොදෙන බව අමාත්‍ය ලක්ෂ්මන් කිරිඇල්ල පවසනවා.
මහනුවර ප‍්‍රදේශයේ පැවති උත්සවයකට එක්වෙමින් ඔහු මේ බව සඳහන් කළා.
මහනුවර නගරයේ පවතින දැඩි රථ වාහන තදබදයට හේතුව මෙම මාර්ගය වසා තැබීම බවයි ඇතැම් පුද්ගලයින් ප‍්‍රකාශ කර තිබුණේ.
කෙසේ වෙතත් රථ වාහන තදබදය අවම කිරීමට උමං මාර්ගයක් ඉදි කිරීම සඳහා දැනටමත් පියවර ගෙන ඇති බවද ලක්ෂ්මන් කිරිඇල්ල අමාත්‍යවරයා වැඩිදුරටත් ප‍්‍රකාශ කළා.
