ඩොනල්ඞ් ට‍්‍රම්ප් ජනාධිපති ධුරයේ වැඩ භාර ගැනීමෙන් පසු අමෙරිකාව සමග පවතින සබඳතා බිදවැටී ඇති බව රුසියානු ජනාධිපති ව්ලැද්මීර් පූටින් පවසනවා.
රුසියානු ජනාධිපතිවරයා පෙන්වා දෙන්නේ මේ වනවිට දෙරටේ හමුදාමය සබදතාවල විශ්වාසය පිරිහී ඇති බවයි.
රුසියානු රූපවාහිනි නාලිකාවක් සමග පැවති සාකච්ඡාවකදී ඔහු මෙම අදහස් පළ කර තිබෙනවා.
අමෙරිකාව ඉකුත්දා සිරියාවට එල්ල කළ මිසයිල ප‍්‍රහාරය සම්බන්ධයෙන් නේටෝ සංවිධානය දක්වන ප‍්‍රතිචාරය සම්බන්ධයෙන්ද මෙහිදී රුසියානු ජනාධිපතිවරයා ප‍්‍රශ්න කළා.
එම ප‍්‍රහාරය ජාත්‍යන්තර නීති උල්ලංඝණය කිරීමක් ලෙසයි රුසියානු ජනාධිපතිවරයා මෙහිදී වැඩිදුරටත් ප‍්‍රකාශ කර ඇත්තේ.
