කම්කරු දින රැළිවලට සහ පෙලපාළිවලට සහභාගී වන්නන්ගේ පහසුව සඳහා අද (01) විශේෂ දුම්රිය දෙකක් ධාවනයට යොදවා තිබෙනවා.
ඒ පිළිබඳ කරුණු දක්වන දුම්රිය ගමනාගමන අධිකාරී විජය සමරසිංහ සඳහන් කළේ මුදල් ගෙවා වෙන් කරවා ගත් විශේෂ දුම්රිය දෙකක් මෙලෙස ධාවනය වීමට නියමිත බවයි.
එහිදී ඔහු වැඩි දුරටත් සඳහන් කළේ "මෙහිදී මරදාන සිට මහනුවර දක්වා එක් දුම්රියක් ධාවනය කරවීමට කටයුතු සංවිධානය කර තිබෙනවා. මහනුවර සිට නැවතත් එම දුම්රිය මරදාන දක්වා ධාවනය කෙරෙනවා. තවත් විශේෂ දුම්රියක් කුරුණෑගල සිට මරදාන දක්වාත් මරදාන සිට කුරුණෑගල දක්වාත් ධාවනය කරවීමට සූදානම් කර තිබෙනවා."
මීට අමතරව අද දිනයේ සාමාන්‍ය පරිදි දුම්රිය ධාවනයන් සිදු කෙරෙන බවද සඳහන් කළා.
