වෛද්‍යපීඨ ශිෂ්‍ය කි‍්‍රයාකාරි කමිටුවේ කැඳවුම්කරු අත්අඩංගුවට ගැනීමට යාමේ සිද්ධිය සම්බන්ධයෙන් පරීක්ෂණයක් පවත්වා වාර්තාවක් ලබාදෙන ලෙස නීතිය හා සාමය සහ දක්ෂිණ සංවර්ධන අමාත්‍ය සාගල රත්නායක පොලිස්පති පූජිත් ජයසුන්දරට නියෝග කර තිබෙනවා.
එම අවස්ථාවේදී පොලීසිය විසින් අනුගමනය කල ක්‍රමවේදයන් පිළිබඳව පරීක්ෂණය සිදු කළ යුතු බවයි අමාත්‍යවරයා දැනුම්දී ඇත්තේ.
රයන් ජයලත් අත්අඩංගුවට ගැනීමට පොලිසිය එම ස්ථානයට ගියේ පසුගිය ජුනි මස 21දායි.
පොදු දේපල පනත යටතේ මාලිගාකන්දමහේස්ත්‍රාත් අධිකරණයේ නඩු අංක බී/16250/17 දරණ අංකය යටතේ නඩුවක් රයන් ජයලත්ට ඇති අතර කොටුව මහේස්ත‍්‍රාත් අධිකරණයේ බී 3049/16 ට අදාල නඩුවට වරෙන්තුවක් ද ඇති බව අමාත්‍ය සාගල රත්නායක නිකුත් කළ නිවේදනයක සඳහන්.
