මහනුවර ශ‍්‍රී දළදා මාලිගාවේ ඇසළ මංගල්‍යයේ හතරවන රන්දෝලි පෙරහැර අද (06) රාත‍්‍රියේ වීථි සංචාරය කෙරෙනවා.
පෙර දිනවල දී මෙන්ම ඊයේ (05) දිනයේදීත් තුන්වැනි රන්දෝලි පෙරහැර දැක බලා ගැනීම සඳහා ද විශාල පිරිසක් මහනුවරට පැමිණ සිටියා.
මේ දිනවල පැවැත්වෙන මහනුවර ඇසළ මංගල්‍යයේ පෙරහැර අවස්ථාවල දී මහජනතාව හැසිරවීම සඳහා පොලස් නිලධාරීන් සමග ප‍්‍රජා පොලිස් කමිටුවල සාමාජිකයින් ද යොදවා ඇතැයි පොලිසිය පැවසුවා.
රජයේ සහ පෞද්ගලික ආයතනවල සේවකයින්, විශ්ව විද්‍යාල සිසුන් සහ පාසල් සිසුන් ද ඊට ඇතුළත්.
ඔවුන් ප‍්‍රජා පොලිස් කමිටුවේ ලාංඡනය සමග "ප‍්‍රජා කමිටුව - මහනුවර" ලෙස සඳහන් නිල් පැහැති ටී ෂර්ට් සහ හිස්වැසුම් පැළඳ සිටින බවයි පොලිසිය පෙන්වා දෙන්නේ.
මින් ඉදිරියට පෙරහැර වැනි වෙනත් විශේෂ අවස්ථා සඳහා ද මහජනතාව හැසිරවීමට ප‍්‍රජා පොලිස් කමිටුවල සාමාජිකයින් යොදවා ගැනීමටයි පොලිසිය අපේක්ෂා කරන්නේ.
මහනුවර ශ‍්‍රී දළදා මාලිගාවේ ඇසළ මංගල්‍යයට මෙවරත් නෙත් එෆ් එම් රේඩියෝව බැතිබර දායකත්වය ලබා දෙනවා.
