බැඳුම්කර ගනුදෙනුව පිළිබඳ සොයා බැලීම සඳහා පත් කෙරුණු ජනාධිපති කොමිසම හමුවේ ඕනෑම අවස්ථාවක පෙනි සිටීමට අග්‍රාමාත්‍ය රනිල් වික්‍රමසිංහ මහතා සූදානම් බව අග්‍රාමාත්‍ය කාර්යාලය පවසනවා.
ජනාධිපති කොමිසම ඉදිරියේ කරුණු විමසන අවස්ථාවන්හිදි අග්‍රාමාත්‍යවරයා පිළිබඳව ද තොරතුරු සඳහන් වීම ඊට හේතුවයි.
එබැවින් කොමිසමට අවශ්‍ය ඕනෑම අවස්ථාවක ඒ පිළිබඳ කරුණු පැහැදිලි කිරීමට අග්‍රාමාත්‍යවරයා සූදානමින් සිටින බවයි අග්‍රාමාත්‍ය කාර්යාලය පැවසුවේ.
ජනවාරි 08 වනදා මෙරට ජනතාව බහුතර ජන වරමක් ලබා දුන්නේ යහපාලනය සහ ප්‍රජාතන්ත්‍රවාදය යළි තහවුරු කිරීමටයි.
රජයට හෝ රජයේ නිලධාරීන්ට හෝ චෝදනා එල්ලවන අවස්ථාවන්හිදි ඒ පිළිබඳ පරීක්ෂණ පැවැත්වීමටද සොයා බැලීමට ද රජය සැම විටම ක්‍රියා කර තිබෙනවා.
ඉදිරියටද ඒ පිලිවෙතම අනුගමනය කරන බවයි අග්‍රාමාත්‍ය කාර්යාලය සහතික කර සිටින්නේ.
