ජාතික චිත්‍රපට සංස්ථා පනතට පටහැනිව චිත්‍රපට මුදාහැරීම සහ බෙදාහැරීම සම්බන්ධයෙන් දේශීය සිනමා ශිල්පීන්ගේ සන්ධානය ජනාධිපතිවරයාට ලිපියක් යොමුකර තිබෙනවා.
ඒ එම තත්ත්වය මඟහරවා ගැනීම සඳහා යෝජනාවලියක් ද ඉදිරිපත් කරමින්.
මෙම යෝජනාවලියට කරුණු 7ක් ඇතුළත්. ඒ පිළිබඳ කරුණු දක්වමින් දේශීය සිනමා ශිල්පීන්ගේ සන්ධානයේ සභාපති රොහාන් වැලිවිට කියා සිටියේ දේශීය සිනමාව නඟා සිටුවීමට පියවර ගත යුතු බවයි.
චිත්‍රපට ප්‍රදර්ශනය කරන සිනමා මණ්ඩල පිළිබඳව ද ගැටලූවක් පවතින බවයි මෙහිදී ප්‍රකාශ කෙරුණේ.
වර්තමානයේ ජාතික චිත්‍රපට සංස්ථා පනත ක්‍රියාත්මක නොවන බවයි සභාපතිවරයා පෙන්වා දුන්නේ.
විදේශීය චිත්‍රපට මුදාහැරීමේදී ද චිත්‍රපට සංස්ථා පනතට අනුව පියවර නොගතහොත් ඉදිරියේදී ගැටලූ රැසක් මතුවිය හැකි බවයි දේශීය සිනමා ශිල්පීන්ගේ සන්ධානයේ සභාපති රොහාන් වැලිවිට වැඩිදුරටත් කියා සිටියේ.
